tabiiyat in dino.n begaanaa-e-Gam hotii jaatii haimere hisse kii goyaa har Khushii kam hotiii jaatii hai
vahii hai shaahid-o-saaqii magar dil bujhtaa jaataa hai
vahii hai shammaa lekin raushanii kam hotii jaatii hai
qayaamat kyaa ye aye husne.do aalam hotii jaatii hai ?
ke mahafil to vahii hai dil_kashii kam hotii jaatii hai
vahii maiKhaana-o-sahabaa vahii saaGar vahii shiishaa
magar aavaaz-e-noshaanosh maddham hotii jaatii hai
vahii hai zindagii lekin 'Jigar' ye haal hai apanaa
ke jaise zindagii se zindagii kam hotii jaatii hai
No comments:
Post a Comment