INTEZAAR

Intezaar

        Lateef tar thi tere intezar ki takleef

        keh izterab tha aur phir bhi izterab na tha              ( Seemab )    

        [ Lateef = pleasent, izterab = restlessness]

        **********

        Aane ko keh gaye the na aayeN khuda kare

        kya lutf aa raha hai mujhe intezaar meiN

        [ lutf = enjoyment ]

        **********

        BaaNdh kar ehad-e-wafa koi gaya hai mujh se

        aie meri umar-e-rawaaN aur zara aahista

        [ ehad = promise,  umar-e-rawaaN = guzarti hui zindagi]

        **********

        Dil mehav-e-intezaar hai, aaNkheN haiN farsh-e-raah

        aao kabhi to chaahne waaloN ke shehar meiN

        [ mehav = engrossed, 

          aaNkhen haiN farsh-e-raah= same as phrase "Ankhe bichaana"

          means waiting  desperately]

        **********

        Phir khat ke intezaar ki lootuNgi lazzateN

        phir naama likh rahi huN teri berukhi ke naam

        [ naama = letter, berukhi = ignorance]

        **********

        Wada-e-shaam pe ki hum ne abas jaag subha

        woh isi waqt na aate agar aana hota

        [ abas = unnecessary]

        **********

        Waada kar ke gaye the keh aayenge khuwab meiN

        maare khushi ke neeNd na aaye to kya karuN

        **********

        Woh aayen yaa na aayen magar aie haseen raat

        tu walwala to dekh mere intezaar ka                                                              

        [ walwala = enthusiasm ]                                 (Abdul Hamid Adam )

        **********

        Ghazab kiya tere waade pe aitbaar kiya

        tamaam raat qayaamat ka intezaar kiya                    ( Daagh )

        **********

        Bheeg jaati hain is umeed pe ankhe har shaam

        shayad is raat woh mehtaab lab-e-ju aaye                 ( Nasir )

        [ mehtaa = moon, lab-e-ju = jheel ke kinaare, usually eyes are praised

          as 'jheel' in poetry]

        **********

        Jis baat par aksar tere lab kaaNp gaye haiN

        phir aaj woh baat sunaane ke liye aa

        [ aksar = often, lab = lips ]

        **********

        Maana ke mohabbat ka chupaana hai mohabbat

        chupke se kisi roz jataane ke liye aa

        Jaise tujhe aate haiN na aane ke bahaane

        aise hi kisi roz na jaane ke liye aa

        **********

        Kuch roz yeh bhi rang raha intezar ka

        Ankh uth gayi jidher bas udher daikhtay rahay            ( Asar Lakhnawi )

        **********  

        Allah ri bekhudi keh teray pass beth kar

        Tera hi intezar kiya hay kabhi kabhi                     ( Naresh Kumar Shad )

        **********

                                          

        Tamam umar tera intezar ker lain gay

        Magar yeh ranj hay keh zindagi kam hay                   ( Shahid Sadeeqi )

        **********

                                          

        Lootay mazay usi nay tera intezar kay

        Jo had-e-intezar say aagay nikal gaya                    ( Asar Lakhnawi )

        **********

        Shab-e-intezar ki kashmakash na pooch kaisay sahar hooi

        Kabhi ik charagh jala diya , kabhi ik charagh bujha diya ( Firaq )

        **********

        Tum aaye ho na shab-e-intezar guzri hay

        Talash main haay sahar bar bar guzri hay                 ( Faiz )

        **********

        Teri umeed tera intezar jab say hay

        Na shab din say shikayet na din ko shab say hay          ( Faiz )

        *********