Mazah
[These
coupltes may not be funny, may be some serious thought, sorrow or complaint is expressed
with slight humor. ]
Do manfiyoN ki
zarab ka masbat jawab hai
zaalim khuda
ke vaste keh de 'nahi nahi'
[ manfiyoN =
negative, zarab = multiply, masbat=
posative]
**********
Aie
hazrat-e-naaseh zara imaan ki kahiye
Aap jawani mein
bhi ma'soom rahe hain
[ nasseh =
preacher ]
**********
DoosroN ko bhi
mile dard ki lazzat yaa rab
mera apna hi
bhala ho mujhe manzoor nahi
**********
Deewangi ne
meri mujhe kya maza diya
unko bhi mere
saath tamaasha bana diya
( Riyaaz )
**********
Dil ne aaNkho
se kahi, aaNkhoN ne un se keh di
baat chal
nikli hai ab dekheN kahaaN tak pahuNche
[ chal nikli =
going on]
**********
Ghair mujh ko teri mehfil se uThata kya
majaal
dekhta tha
maiN keh tu ne hi ishaara kar diya
[ majaal = to
dare ]
**********
Haal-e-dil un
se keh ke jab laute
un se kehne ki
baat yaad aai ( Khumar Barabanqvi )
**********
Hum bhi muNh
meiN zabaan rakhte haiN
itna uNcha na
boliye saahib
( Shameem Jaipoori )
**********
Har chaNd ham
bhi nikale the us bazm se magar
logoN se ham ne hazrat-e-aadam ki baat ki
[ Har chaNd =
Although]
**********
Kya bura hai
keh maiN iqraar-e-mohabbat kar luN
log waise bhi
to kehte haiN gunha-gaar mujhe
**********
Kaun kehta hai
farishte nek haiN be-daagh haiN
chup-chupa ke
kyuN hamaari mukhbari karte haiN
[ be-daagh =
flawless]
**********
Kuch is ada se
yaar ne poocha mera mizaaj
kehna paDa keh
shukar hai parwardigaar ka
**********
Khabar ko yaar
ki bheja tha gum huye aise
hawaas-e-rafta
ka ab tak na suraagh mila
( Jalal )
[ gum = lost,
hawaas-e-rafta = senses, suraagh = hint/clue]
**********
Kuch is ada se
khoon-e-tamanna kiya gaya
jaise meri
taraf se taqaaza kiya gaya
( Mahirul Qaadri )
[ khoon =
murder, tamanna = desire, taqaaza = demand]
**********
Kisi ke zarf
se baDh kar na kar mehar-o-wafa hargiz
keh is beja sharaafat se baDha nuqsaan hota
hai
[ mehar =
kindness, hargiz = not at all, nuqsaan = loss]
beja = unncessary, zarf = capability]
**********
Khuwaab meiN
hi nazar aate woh shab-e-hijar kaheeN
so mujhe
hasrat-e-deedar ne sone na diya
( Naasikh )
[ shab-e-hijar
= night of separation,
hasrat-e-deedar = longing/yearning to see]
**********
Lillah aap
mujh se mohabbat na ki jiye
do roz mein
aap ka chehra utar gaya
[ Lillah = for
god sake]
**********
Maanus tab-aa
jis se ho yaa rab habib ki
ho jaaye kaash
shak'l meri us raqeeb ki
( Juraat)
[ Maanus = familiar,
tab-aa = nature, raqeeb = rival
habib =
friend( means beloved here) shak'l = face]
**********
Mujhe dil ki
khata per Yaas sharmaana nahi aata
paraaya jurm
apne naam likhwaana nahi aata
**********
Shab-e-furqat ka jaaga huN farishtoN ab to
sone do
kabhi fursat
meiN kar lena hisaab aahista aahista
[
Shab-e-furqat = night of separation]
**********
Woh hi achche
haiN hum se mare haiN jo furqat meiN
maze se qabar
meiN sona, na kuch kehna na kuch sunna
[ furqat =
seperation]
**********
Hum aisi kul
kitabon ko qabil-e-zabti samjhte hain
ki jinko padh
ke ladke baap ko khabti samjhte hai
( Akbar Allahbadi)
[ zabti =
suspend, khabti = crazy/fool]
**********
Peeri ki zulf
mein uljha, na rehsh-e-waaiz mein
dil ghareeb
hua luqma imtehano mein
( Akbar Allhabadi )
[ resh =
beard, waaiz = preacher, luqma = byte]
**********
Pucha keh
talab, kaha qanaa'at
puchaa sabab,
kaha keh qismat
( Akbar Allhabadi )
[ talab =
demand, qanaa'at = patience, sabab = reason]
**********
Jo kaha maiN
ne ke "Pyaar aata mujh ko tum par"
haNs ke kehne
lage "aur aap ko aata kya hai" ( Akbar Allhabadi )
**********
Gard uDi
aashiq ki turbat se to jhunjhla kar kaha
wah sir pe
chaDhne lagi paaoN ki Thukraai hui
( Ameer Meenai )
[ Gard = dust,
turbat = grave, jhunjhla = irritate]
**********
Daagh aaNkheN
nikalte haiN woh
unko de do
nikaal kar aaNkhen
( Daagh )
[ aankhen
nikalna = a phrase in urdu means to get angry ]
**********
HuroN ka
intezar kare kaun qayamat tak
mitti ki bhi
mile to rawa hai shabaab meiN
( Daagh )
[ rawa =
acceptable, shabab = youth]
**********
Khaatir se ya
lihaaz se maiN maan to gaya
jhooti qasam
se aap ka imaan to gaya
( Daagh )
[ khaatir =
favor/sake, lihaaz = consideration]
**********
Aie ishq ki
be-baaki, kya tune kaha un se
jis per unhen
gussa hai, inkar bhi, hairat bhi
( Firaq )
[ be-baaki =
boldness]
**********
Meri laash ke
sirhaane khade woh keh rahe haiN
ise neeNd yun
na aati agar intezaar hota
( Ghalib )
**********
Main ne kaha
bazm-e-naaz chahiye ghair se tahi
haNs ke
sitam-zareef ne mujh ko utha diya keh yuN
( Ghalib )
[ bazm =
party/gathering, ghair = stranger, tahi = empty
sitam-zareef
= witty]
**********
Suna hai maiN
ne bhi zikar bahisht-o-hoor-o-tahoor
khuda ka
shukar hai keh neeyat meri kharab nahi
( Hafeez )
[ bahisht =
paradise]
**********
Mar chuk kahiN
keh is gham-e-hijraaN se choot jaae
kehte to haiN
bhale ki woh lekin buri tarha
( Momin )
[
gham-e-hijraaN = pain of seperation]
**********
Yeh kaali
kaali ghataaein, yeh saawan, yeh fareb-e-zaahid-e-ilaahi tauba
wazu meiN
masruf bzaahir, haqeqatan haath mal raha hai
[ fareb =
cheating, zaahid-e-ilaahi = preacher
( Shakeel )
bzaahir =
apparently, haqeqatan = actually]
**********
Rind
kharaab-e-nosh ki be-adabi to dekhiye
niyat-e-mai-kashi na ki haath me jaam le liya ( Shakeel )
**********
Kaun hai woj
jise tauba karne ki mil gayi fursat
hameN to
gunaah ke liye bhi yeh zindagi kam lagti hai
**********
Ham ne ki
tauba woh bhi kis zamaane maiN
bas do chaar
lamhe bache the bahaar aane main
**********
No comments:
Post a Comment