EID URDU MISCELLANEOUS

Eid

        Chand daikha teri aankhoN maiN naa hontoN pe shafaq

        milti julti hai shab-e-gham se teri deed ab ke

        dil dukha hai na voh pehla sa na jaaN taRpi hai

        ham hi ghaafil the ke ,aayee hi naheeN Eid ab ke ..

        **********

        Aayee hai Eid aaj bhi har saal ki tarhaa

        par ,aise ke ,tarab kaa koi silsilaa na ho

        pichle baras thaa khof tujhe kho na dooN kaheeN

        ab ke baras duaa hai teraa saamna na ho

        **********

        Khud chand unheeN kee deed ki chah maiN haazir-e-khidmat hota hai

        voh chand ki nazroN maiN aa'aiN ,ik rashk ka aalam hota hai

        kiya tum ko bataaiN ham yaaro kiya zeest ka aalam hota hai

        Jab uth'te haiN un ke hinaaee haath aur adab se sar kham hota hai

        **********

        Eid ki sachchi khushi to dostoN ki deed hai

        tum nazar se door ho ,kiyaa Khak apni Eid hai

        **********

        Eid ke roz bhi majboor the taqdeer se ham

        ro paRe mil ke gale aap ki tasveer se ham

        **********

        Shayad teri navaa se mile Eid kaa payaam

        ai dost muskuraa ke tabi'at udaas hai

        **********

(Urdu)

        Naheen khel aie Daagh yaaron se kehdo

        ki aati hai urdu z'baan aate aate                        ( Daagh Dehalvi )

        **********

 

        Apne mehboob ki khatir tha khuda ko manzur

        varna qur'aan bhi utarta b-z'baane urdu                  ( Akbar Ilahabaadi)

        **********

        Urdu hai jis ka naam hameeN jaante haiN daagh

        saare jahaan meiN dhoom hamaari zubaaN ki hai            ( Daagh Dehalvi )

        **********

        Shehad-o-shakkar se sheereeN Urdu zubaaN hamaari

        hoti hai jis ke bole, meethi zubaan hamaari              ( Haali )

        **********

        Shub'ha Naasikh naheeN kuchh Meer ki ustaadi men

        aap be-behra haiN jo mu'taqid-e Meer naheeN              ( NasiKh )

        **********

        Ghalib apna ye 'aqeeda hai, ba-qaul-e NasiKh

        aap be-behra haiN jo mu'taqid-e Meer naheeN              ( Ghalib )

        **********

        Voh 'itr-daan sa lehja mire buzurgon ka!

        rachi-basi hui urdu zabaan ki khushbu                    ( Bashir Badr )

        **********

        Apni har saaNs pe ehsaaN liye hamdardoN ka

        zindigi karta hun is 'aehd meiN urdu ki tarah            ( Krishan Bihari Noor )

        **********

        Zabaan hamaari na samjha yahaan koyi Majrooh

        ham ajnabi ki tarah apne hi vatan meiN rahe              ( Majrooh Sultanpoori )

        **********

   Miscellaneous

        Kaisi be-saakhta mussarat hai

        be-sabab muskura raha huN main                           ( Adam )

        [ be-saakhta = natural, mussarat = happiness, be-sabab = without reason]

        **********

        Yeh tanhai ki taareeki to baDhti hai aur bhi Adam

        ghanimat hai keh yaadon se charaaghaN kar liya maiN ne

        [ ghanimat = ok, charaaghaN = to brighten up]

        **********

        Baaz auqaat kisi aur ke milne se Adam

        apni hasti se mulaaqat bhi ho jaati hai

        [ Baaz auqaat = sometimes]

        **********

        Afshaa-e-raaz-e-ishq mein go zillateN hueN

        lekin use jata to diya, jaan to gaya                     ( Daagh )

        [ Afshaa = reveal, zillateN = humiliation]

        **********

        Hui hai hazrat-e-naaseh se guftagu jis shab

        woh shab zaroor sar-e-koo-e-yaar guzri hai                 ( Faiz )

        [ sar-e-koo-e-yaar = in beloved's lane

                                           hazrat-e-naseeh = respectable preacher]

        **********

        Aur bhi gham hain zamaane meN mohabbat ke sivaa

        raahatein aur bhi hain vasl ki raahat ke sivaa           ( Faiz )

        [ raahatein = comforts, vasl = meet]

        **********

        Damaan-e-dil ko gulzaar bana rakha hai

        aao ek din dekh lo dil-e-pur khoon ka hunar              ( Faiz )

        **********

        Na tu khuda hai, na ishq mera farishton jaisa

        dono insaaN haiN to kyuN itne hijaaboN me milen          ( Faraz )

        [ hijaabon = veil]

        ********

        KaThin hai raah guzar Thodi der saath chalo

        bahut kaDa hai safar Thodi der saath chalo

        tamaam umar kahaaN koi saath deta hai

        maiN jaanta huN magar Thodi der saath chalo              ( Faraaz )

        [ kaDa = tough]

        **********

        Woh laakh zood-faraamosh tha Faraaz magar

        use bhi mujh ko bhulaane meiN ek zamaana laga

        [ zood = quickly, faraamosh = forgetfull]

        **********

        Samjha rahe the mujh ko sabhi naasehaan-e-shehar

        phir rafta rafta khud usi kaafir ke ho gaye              ( Faraaz )

        [ naasehaan = lecturer, kaafir = infidel/sweetheart]

        **********

        Ek muddat se teri yaad bhi na aai hameiN

        Aur hum bhool gaye hon tujhe aisa bhi nahi               ( Firaq )

        **********

        Naqsh-e-faryaadi hai kis ki shokhiy-e-tehreer ka

        kagazi hai pairahan har paikar-e-tasveer ka              ( Ghalib )

        **********

        Qais juNgle meiN akela hai mujhe jaane do

        khub guzaregi jo mil baithenge dewaane do                ( Ghalib )

        [ Qais = Majnu]

        **********

        Ragon me dauDne phirne ke hum nahi qaayal

        jo aankh hi se na Tapaka, to phir lahu kya hai            ( Ghalib )

        [ qayaal = to accept, lahu = blood]

        **********

        Agar bakhshe zah-e-qismat na bakhshe to shikaayat kya

        sar-e-tasleem kham hai jo mizaaj-e-yaar meiN aaye         ( Ghalib )

        [ bakshe = fogive, zah-e-qismat = good luck, sar-e-tasleem = submission

          kham = bowed]

        **********

        Taghaaful ke gile sun kar jukha li tum ne kyuN aankheN

        mere sharminda karne ko zara be-baak hona tha            ( Ghalib )

        [ taghaaful = ignoring/carelessness, be-baak = bold]

        **********

        Jis ko tum bhool gaye, yaad kare kaun us ko

        jis ko tum yaad ho, woh aur kise yaad kare               ( Josh )

        **********

        Waqif hai Josh ishq se apne tamaam shehar

        aur hum yeh jaante haiN keh koi jaanta nahiN

        [ Waqif = knowledgable]

        **********

        Tamaam mehfil ke rub-a-ru go uThaaeiN nazareN milaai aaNkheN

        samajh saka ek bhi na lekin sawaal mera jawaab tera      ( Josh )

        [ rub-a-ru = in front of]

        **********

        Chal bhi diye woh cheen ke sabar-o-qaraar-e-dil

        hum sochte hi reh gayee maajra kya hai

        [ maajra = matter ]

        **********

        Diye jalaane ki rasmeiN bahut puraani hai

        hamaare shehar meiN to dil jalaaye jaate hain

        **********

        Fiza meiN phail chali meri baat ki khushboo

        abhi to maiN ne hawaaoN se kuch kaha bhi nahi

        **********

        Ji bhar ke zulm kar magar is shart-e-khaas per

        jab lutf ho to lutf ki bhi inteha na ho                  ( Azaad )

        [ lutf = kindness/favor]

        **********

        Jaane wale ko na roko keh bharam reh jaaye

        tum pukaaro bhi to kab us ko Thehar jaana hai

        [ Thehar = stop]

        **********

        Kya jaane hum ko bechati qismat kahaN kahaN

        achcha hua ke aap kharidaar ho gaye

        **********

        Khud hi ghammaaz bana tha tera andaaz-e-khuraam

        dil na saNbhla tha to qadmoN ko saNbhaala hota

        [ ghamaaz = informer, andaaz-e-khuraam = style of walking]

        **********

        Kaisi tanhaaiyaaN us shakh's ne sauNpi haiN mujhe

        mujh se ab koi bhi tanha nahi dekha jaata

        **********

        Khuda jaane kya keh gaya hai Doobne waala maujoN se

        keh sar Takraati phirti haiN aaj tak saahil se

        **********

        Isi ehatyaat me woh raha, isi ehatyaat mein maiN raha

        woh kahaaN kahaaN mere saath hai kisi aur ko yeh pata na ho

        [ ehatyaat = precaution]

        **********

        Meri mizaaj-e-zeest ko kya kya diya gaya

        sabar-o-qaraar, hausla uNcha diya gaya

        [ mizaaj = nature, zeest = life, hausla = courage]

        **********

        Gulon ki sharm-e-lataafat ka paas hai warna

        meri nigaah to kaaNtoN ka intekhaab kare                    ( Raaz )

        [ lataafat = elegance, paas = regard, intekhaab = choice/selection ]

        **********

        Nigaah-e-shauq sar-e-bazm be-hijaab na ho

        woh be-khabar sahi itne be-khabar bhi nahi

        [ Nigaah = sight, shauq = desire/fondness,  sar-e-bazm = in gathering,

          be-hijaab = shameless]

        **********

        PalkeN bhi chamak uThti haiN sote meiN hamaari

        aaNkhoN ko abhi khuwaab chupaane nahi aate

        [ Palken = eye lashes]

        **********

        Rukh pe paseena, tez tanaffus, naadim sa ehsaas-e-wafa

        ham pe kya kuch beet gai hai ek tere sharmaane se

        [ Rukh = face, tanaffus = breathing, naadim = penitent]

        **********

        Tum ne phoolon ko nawaaza mein ne kaanton ko chuna

        ghaaleban dono hi the na-aashna anjam se                 ( Anjum )

        [ ghaaleban = probably, na-aashan = ignorant]

        **********

        Tanhaai meiN le jaayeNge samjhaaeNge dil ko

        yeh maan bhi jayeega yeh daawa nahi karte

        **********

        Us ne apna bana ke choD diya

        kya aseeri hai kya rihaai hai

        [ aseeri = imprisonment , rihaai = freedom]

        **********

        Ulfat ke shanaawar tu kahiN doob na jaana

        daryaa-e-mohabbat ke kinaare nahi hote

        [ shanaawar = swimmer ]

        **********

        Udhar woh ghar se nikal rahe haiN, idhar mera dam nikal raha hai

        daghaa kahaaN de rahi hai qismat woh aa rahe haiN maiN jaa raha huN

        **********

        Woh dil-nawaaz hai, lekin nazar shanaas nahi

        mera ilaaj mere chaaraah-gar ke paas nahi

        [ dil-nawaaz = attractive, nazar-shanaas = knowing/clever

                                           chaaraah-gar = doctor]

        **********

        Woh is kamaal se khela tha dil ki baazi

        maiN apni fateh samajhta raha maat hone tak

        [ kamaal = experties, fateh = victory, maat = defeat]

        **********

        Woh ash'k ban kar meri chashm-e-tar meiN rehta hai

        ajeeb shakh's hai paani ke ghar meiN rehta hai

        [ ash'k = tear, chash'm-e-tar = wet eye, ajeeb = strange]

        **********

        Woh mere zabt ka andaaza kar ke aaya tha

        maiN haNs ke zakhm na khaata to aur kya karta

        [ zabt = patience/control, andaaza = estimation]

        **********

        Yusuf ka jazba-e-husn zulaikha ka jazba-e-ishq

        aana paDa palaT ke dobaara shabaab ko

        **********

        Yaad-e-maazi, gham-e-amroz, umeed-e-farwa

        kitne saaye mere saath chala karte haiN

        [ maazi = past, amroz = today, farwa = tomorrow]

        **********

        Zamaana baDe shauq se sun raha tha

        hamee so gayee dastaaN kehte kehte

        **********

        Zameen se kaun uThata hai sukhe patton ko

        hawa ki baat na karna hawa to paagal hai

        **********

        Zindagi aise guzaar di ham ne

        kuch gunaahoN ki saza ho jaise

        **********

        Baagh meiN lagta nahi, sehra se ghabraata hai ji

        ab kahaN le jaa ke baitheN aise dewaane ko hum           ( Akbar Allhabadi )

        [ sehra = desert]

        **********

        Kuch is tarha us ne cheDa saaz-e-dil

        Der tak har taar tharrata raha                           ( Jaan Nisar Akhtar )

        [ taar = string, tharrata = to vibrate]

        **********

        Ab yeh bhi nahi Theek keh har dard mita deN

        kuch dard kaleje se lagaane ke liye haiN                 ( Jaan Nisar Akhtar )

        **********

        Khanjar chale kisi pe taDapte hain ham Ameer

        Saare jahaan ka dard hamaare jigar meiN hai              ( Ameer Meenai )

        **********

        Ji dhoondta hai phir wohi fursat ke raat din

        baitheN raheN tassavur-e-jaanaaN kiye huye                   ( Ghalib )

        [tassavur = imagination/thoughts,  jaanaaN = sweetheart]

        **********

        Nahi kaante bhi kya ujaDe chaman mein

        koi roke mujhe, jaa raha hun main                        ( Hafeez )

        **********

        Hafeez un se maiN jitna bad-gumaaN huN

        woh mujh se is qadar barham na hoNge

        [ barham = angry/upset]

        **********

        SakhiyoN se kab sakhiyaaN apne ji ke bhed chupaati haiN

        hum se nahi to us se keh de karta kahaN kalaam, chaaNd    ( Ibne Insha )

                                         [ kalaam = talk, chaaNd = moon]

        **********     

        Woh jo tera daagh-e-ghulaami maathe per liye phirta hai

        us ka naam to Inshaa Thehra naa-haque ko bad-naam hai chaaNd

        [ naa-haque = unnecessary]

        **********

        Taa'mmul to tha unko aane mein qaasid

        magar yeh bata tarz-e-inkaar kya thi                     ( Iqbal )

        [ Taa'mmul = hesitation qaasid = messange, tarz = style]

        **********

        Sitam ho keh waada-e-be-hijaabi

        koi baat sabar-aazma chaahta huN                         ( iqbal )

        [ be-hijaazbi = open face]

        **********

        Yeh dil ke zakhm nahin, Jigar ke daagh hain

        rah-e-hayaat mein shama jala raha hai koi                ( Jigar )

        [ rah = road/way,  hayaat = life]

        **********

        Yeh kya muqaam-e-ishq hai zaalim keh in dinoN

        aksar tere bagair bhi aaram ho gaya                      ( Jigar )

        [ muqaam = position, aksar = often]

        **********

        Woh kab aaye bhi aur gaye bhi, nazar mein ab tak sama rahe hain

        yeh chal rahe hain, woh phir rahe hain, yeh aa rahe hain, wo jaa rahe hain

                                                                 ( Jigar )

        **********

        Hum ko jo chahe naasaih keh lo

        kuch na khena un se khuda ke liye                        ( Jigar )

        **********

        Main akela hi chala tha janib-e-manzail magar

        log saath ate gaye, karvaan banta gaya                   ( Majrooh )

        [ janib = toward, manzil = destination, karvaan = group]

        **********

        Jis taraf chal pade hum aabla paayan-e-shauq

        khaar se gul aur gul se gulistaan banta gaya             ( Majrooh )

        [ aabla-paayan = injured feet, khaar = thorn]

        **********

        Muntazir haiN phir mere haadse zamaaane ke

        phir mera junuN teri bazm mein ghazal-khuwaN hai         ( Majrooh )

        [ Muntazir = waiting, haadse = accidents, junuN = craze]

        **********

        Yaad uski itni khoob nahi Meer baaz aa

        Naadan phir woh ji se bhulaya na jayeega                 ( Meer )

        [ baaz aa = stop it]

        **********

        Hum nikaaleNge sun aie mauj-e-hawa bal tera

        us ki zulfoN ke agar baal pareshaaN hoNge                ( Momin )

        [ mauj-e-hawa = breeze, bal = twist, pareshaaN = scattered]

        **********

        Yeh saaneha bhi mohabbat mein baarha guzra

        keh usne haal bhi poocha to aaNkh bhar aai               ( Nasir )

        [ saaneha = incident, baarha = many times]

        **********

        Achcha sa koi mausam, tanha sa ko aalam

        har waqt ka rona to bekaar ka rona hai                   ( Nida Fazli )

        **********

        Maana ki is zameen ko gulzar na kar sake

        kuch khar to kam kar gaye, guzre jidhar se hum           ( Saahir )

        **********

        Meri nadeem mohabbat ki wus'aton se na gir

        buland baam-e-haram nahi kuch aur bhi hai                ( Saahir )

        [ nadeem = friend, wus'aton = spread/height, baam = terrace, haram = house/mosque]

        **********

        Jab kabhi un ki tawajjoh mein kami paai gai

        az sar-e-nau daastan-e-shauq dohraai gai                 ( Saahir )

        [ tawajjoh = attention,  az-sar-e-nau = from start

          daastan = story, shauq = desire/fondness]

        **********

        Hum kareN tark-e-wafa, achcha chalo yuN hi sahi

        aur agar tark-e-wafa se bhi na ruswaai gai                ( Saahir )

        [ tark = to give up]

        **********

        Kaanton mein hai ghira hua chaaron taraf se phool

        is par bhi khila padta hai, kya khush-mijaaz hai          ( Shaad )

        [ khush-mijaaz = jovial]

        **********

        Aie Wali rehne ko duniya me muqaam-e-aashiq hai

        kucha-e-zulf hai, aaghosh-e-tanhaai hai                  ( Wali )

        [ kucha = lane, aagosh = lap]

        **********

        Un ki yaad, un ki tamanna, un ka gham

        kat rahi hai zindagi aaram se                            ( Shakeel )

        **********

        Un ka zikar, un ki tamanna, un ki yaad

        waqt kitna qeemati hai aaj kal                           ( Shakeel )

        **********

        Doobnewale ko taskeen si ho jayegi

        aa gaye hum aa gaye saahil pe keh jaana zaroor           ( Shakeel )

        [ taskeen = consolation]

        **********

        Hamen khabar hai keh woh aaj raat roye haiN

        keh un ke shehar se jhoNke hava ke nam aaye haiN

        [ jhoNke = blow of air, nam = damp/wet]

        **********

        Kye shart hai ke sab ko mile ek saa jawaab

        aao na hum sair kareN koh-e-toor ki

        [ koh = mountain, toor = a mountain where Moosa(asm) asked to see God]

        **********

        Mareez-e-ishq ka kya hai, jiya jiya, na jiya

        hai ek saans ka jhagaDa , liya liya, na liya  

        **********

        Woh sar-phiri hava thi mujhe sambhalna paDa

        maiN aakhri chiraagj tha is liye jalana paDa

        [ sar-phiri = crazy]

        **********

        HairatoN ke silsile soz-e-nihaaN tak aa gaye

        hum nazar tak chahte tum to jaaN tak aa gaye

        [ Hairaton = surprise/wondering,  soz = pain, nihaaN = hidden]

        **********

        Aaj un ke chehre se mera gham numaayaan hai

        umr bhar ki be-taabi aaj mujh ko raas aaii

        **********

        Husn tamam ijtenab, ishq tamam izterab

        vasl ki shab guzar gayee yuNhi takallufaat main

                                         **********

        Tu ne yeh kya ghazab kiya, mujh hi ko faash kar diya

        main hi to aek raaz tha seena-e-kaa'inaat mein           (Iqbal)

                                **********