GHAM MAZHAB

Gham

        Umar-e-jaaved ki dua karte

        Faiz woh itne kab hamaare the                     ( Faiz )

        [ jaaved = eternal ]

        **********

        Kehne ko zindagi thi bahut mukhtasar magar

        kuch yuN basar hui keh khuda yaad aa gaya                 ( Khumar)

        [ mukhtasar = short ]

        **********

        Kuch yeh ke muddatoN se ham bhi nahi the roye

        kuch zehar meiN bujha tha ehbaab ka dilaasa              ( Faraaz )

        [ muddatoN = long since, ehbaab = friends, dilaasa = consolation

                                           zehar = poision, bujha = dipped]

        **********

        Zabt laazim hai magar dukh hai qayaamat ka Faraaz

        zaalim ab ke bhi naa roye gaa to mar jaaye ga

        [ zabt = control, laazim = compulsory]

        **********

        Woh jis GhamanD se bichaDa gila to is ka hai

        keh saari baat mohabbat meiN rakh-rakhaao ki thi         ( Faraaz )

        **********

        Rahee na taaqat-e-guftaar, aur agar ho bhee

        to kis ummeed pe kahiye ke aarzoo kya hai                ( Ghalib )

        [ guftar = speech]

        **********

        Kyon gardish-e-mudam se ghabra na jaaye dil

        insaan hun pyala-o-saaghar nahi hun mein                 ( Ghalib )

        [ gardish = misfortune, mudam = eternal, pyala-o-saaghar= wine glass]

        **********

        Lo ab tod diya hum ne rishta-e-umeed

        ab kisi se gila na karenge hum                           ( Saahir )

        **********

        Mujhe maalum hai anjam rudaad-e-mohabbat ka

        magar kuch aur thodi der sai-e-raaegaaN  kar luN         ( Saahir )

        [ rudaad = story, sai = try, raaegaan = useless]

        **********

        Mujhe chod de mere haal par, tera kya bharosa aie chaarah-gar

        teri nawaazish-e-mukhtasar, mera dard kahiN baDha na de

        [ nawaazish = kindness, mukhtasar = short term]          ( Shakeel )

        **********

   

        Ab ke woh dard de maiN rouN tamaam umar

        ab ke laga woh zakhm ke jeena mohaal ho

        khud mera haath jab meri barbaadi meiN tha

        teri jabeeN pe kyuN araq-e-infea'-aal ho

        [ mohal = too difficult, jabeeN = forehead,

          araq-e-infea'-aal= perspiration of guilt]

        **********

        Kar deN na be-talab yeh musalsal azeeyateN

        dil bhi kaheeN wafa ka saleeqa na bhool jaaye

        [ musalsal = contnious, azeeyateN = pain ]

        **********

        Mere sukhan ka qareena dubo gaya mujh ko

        keh jis ko bhi haal-e-dil sunaaya use fasaana laga

        [ sukhan = speech, qareena = manner, fasaan= story]

        **********

        Mataa-e-dil bachi thi bas ek zamaane mein

        so ham use bhi teri anjuman meiN haar aaye

        [ mataa = propert/wealth, anjuman = meeting/party ]

        **********

        Mujh ko shikast-e-zabt ka taana na de Nadeem

        be-chaargi meiN aaNkh agar meri tar hai aaj

        [ shikast-e-zabt = loss of self control, taana = taunt

          be-chaargi = helplessness]

        **********

        MaiN yuN hi guzaar deta shab-e-gham sambhal sambhal kar

        tumheN kya mila bataa do meri zindagi badal ke

        baDe be-wafa haiN aaNsu sar-e-bazm aaj chalke

        meri aarzu ko loota meri chashm-e-nam meiN pal ke

        [ shab = night, sar-e-bazm = at the party chashm = eyes, nam = moist]

        **********

        Paas-e-naamus-e-ishq tha warna

        kitne aaNsuN palkoN tak aaye the

        [ Paas = consideration, naamus = honour]

        **********

        Pyaar ki raah meiN kuch bhi na mila hai sitam

        door tak naqsh-e-qadam naqsh-e-qadam naqsh-e-qadam

        [ naqsh-e-qadam = footprint]

        **********

        Qaayam rahi junuN  me bhi ek waza-e-ehatyaat

        dil khoon ho gaya hai magar aaNkh nam nahi

        [ waza = position/dignity, ehatyaat = precaution]

        **********

        Raabte had se baDh jayeeN to gham milte haiN

        ham isi waaste har shakhs se kam milte haiN

        [ Raabte = connection/relation]

        **********

        SadiyaaN teri samet ke jo le gaya Qateel

        ab tere paas laut ke woh pal na aaye ga

        [ sadiyaaN = centuries ]

        **********

        Shikast ho gaya pindaar ka aaina warna

        yakeen kar maiN tere ishq se mukar jaata

        [ shikast = broke, pindaar = self-esteem, mukar = denial]

        **********

        SaaNso meiN bhi shaamil ho, lahu meiN bhi rawaaN ho

        lekin mere haathoN ki lakeeroN mein kahaaN ho

        [ lahu = blood, rawaaN = running]

        **********

        Tu meri zaat, meri rooh, mera husn-e-kalaam

        dekh ab tu na badal gardish-e-dauraaN ki tarha

                                         [ gardish-e-dauraaN = ups and downs of life]

        **********

        Tark-e-mohabbat kar baithe ham, zabt-e-mohabbat aur bhi hai

        ek qayaamat beet chuki hai, ek qayaamat aur bhi hai

        [ tark = to leave/give up, zabt = control]

        **********

        Unki palkoN pe sitaare apne hoNtoN pe haNsi

        qissa-e-gham kehte kehte ham yahaaN tak aa gaye

        **********

        Yehi to wajha-e-shikast-e-wafa hui meri

        khulus-e-ishq meiN saada-dili ki amezish

        [ wajha = reason, shikast = defeat, khulus = sincerity, amezish = mixing]

        **********

        Yeh to qismat meiN kahaN tha keh karuN kasb-e-kamaal

        be-kamaali meiN bhi afsos maiN kaamil na hua

        **********

        Yaad phir aaya woh guzra hua saawan mujh ko

        phir meri aaNkh ne rone ka bahaana chaaha

        **********

        Zakhm hi kholne aai hai to ujlat kaisi

        chu mere zakhm ko ai baad-e-saba aahista aahista

        [ ujlat = hurry, baad-e-saba = breeze]

        **********

        Zindagi kya muflis ki qabaa hai jis mein

        har GhaDi dard ke pewand lage jaate hain                

        [ mufils = poor, qabaa = gown, GhaDi = moment, pewand = joints]

        **********

        Zamaana haNs raha hai aaj mere rone per

        na jaane kis ke rone ki uDaai thi haNsi main ne

        **********

        Zara tujhe yuNhi choote huey guzar jaate

        yeh raNj hai tere shehar ki hawa na hue

        [ raNj = grief]

        **********

        Duniya ne teri yaad se begaana kar diya

        tujh se bhi dil-fareb hain gham rozgaar ke               ( Faiz )

        [ begaana = stranger, dil-fareb = attractive, rozgaar = earning]

        **********

        Unko bhoole hain to kuch aur preshaaN hai Faraaz

        apni daanist meiN dil ne bahut daanaai ki             

        [ daanist = knowledge, daanaai = cleverness]

        **********

        Aise jeene se to behtar tha ke mar hi jaate

        chaarah-gar muft meiN hum ne tera ehsaan liya            ( Faraaz )

        [ chaarah-gar = doctor, muft = unnecessary]

        **********

        Ug raha hai dar-o-dewaar pe sabza Ghaalib

        hum bayaabaaN meiN haiN aur ghar meiN bahaar aai hai     ( Ghalib )

        **********

        Hoti nahi qubul dua tark-e-ishq ki

        dil chaahta na ho to zabaaN mein asar kahaaN             ( Halee )

        **********

        Dekh ai umeed, keejo ham se na tu kinaara

        tera reh gaya hai le de ke ek sahaara                    ( Halee )

        **********

        Kuch is qadar hai gham-e-zindagi se dil manus

        khizaan gai hai to baharon mein dil lagta nahi            ( Jigar )

        [ manus = attached, khizaan = autumn]

        **********

        Yun zindagi guzaar raha hun tere baghair

        jaise koi gunah kiye jaa raha hun maiN                   ( Jigar )

        **********

        Zindagi ko be-niyaaz-e-aarzu karna pada

        aah! kin aankhoN se anjaam-e-tamanna dekhte                ( Saahir )

        [ be-niyaaz-e-aarzu = with no desire, anjaam = end/result

                                           tamanna = desire]

        **********

        Kab ishq kiya, kis se kiya, jhooT hai yaaro

        bas bhool bhi jaao jo kabhi ham se suna ho               ( Athar Nafees )

        **********

        Jab kashti saabit-o-saalim thi saahil ki tamanna kisko thi

        ab aisi shikasta kashti per saahil ki tamannna kaun kare  ( Jazbi )

        [ saabit-o-saalim = fixed/complete, shikasta = broken]

        **********

        Izteraab-e-gham meiN haiN donoN baraabar ke shareek

        dil ko samjhata huN maiN aur mujh ko samjhaata hai dil

        [ Izteraab = restlessness]

        **********

        Yaad-e-maazi azaab hai, yaa rab

        cheen le mujhse haafzaa mera

        [ maazi = past, azaab = torture, hafazaa = memory]

        **********

        Aie khuda jazba-e-ehsaas na bakhsha hota

        khoob hota jo mujhe pathar se taraasha hota

        [ jazba-e-ehsaas = feelings, baKhsha = give, taraasha = carving]

        **********

        Kabhi kisi ki mohabbat ka dukh kabhi apna

        aseer-e-surat-e-haalaat saara saal rahe                  ( Farhat Abbas Shah )

        [ aseer = prisoner, surat-e-haalat = circumstance]

        **********

        Ek dil hai ke basaaya nahi jaata ham se

        log sehraaoN ko bhi gulzaar bana dete haiN

        [ sehraaoN = desert, gulzaar = garden]

        **********

       

        Sunte the ke aata hai museebat mein khuda yaad

        hum par to woh guzri ke khuda bhi na rahaa yaad

        **********

                                                                                                     

        Dard be-kaif, gham be-maza ho gaya

        ho na ho koi mujh se khafa ho gaya                       ( Khumar Barabanqvi )

        **********

Mazahab

        Meri inteha-e-nigaarish yahi hai

        Tere naam se ibteda kar raha hun mein                    ( Iqbal )

        [ inteha = limit/height,

          nigaarish = writting/painting performing any art, ibteda = begining]

        **********

        Bag-e-bahisht se mujhe huk'm-e-safar diya tha kyun

        kar-e-jahan daraaz hai ab mera intezar kar               ( Iqbal )

        [ Bahisht = paradise, kar-e-jahaan = activities of life,

          daraaz=long]

        **********

        Aaj bhi ho gar Ibraahim ka sa imaan paida

        aag kar sakti hai andaaz-e-gulistan paida

        [ imaan = faith]

        **********

        Be-khatar kood paDa aatish-e-namrood me ishq

        aqal mehv-e-tamaasha hai lab-e-bam abhi                    ( Iqbal )

        [ Be-khara = without fear, aatish = fire, mehv = engrossed

          tamaasha = display lab-e-baam = on terrace ]

        **********

        HuN aatish-e-namrood ke sholoN meiN bhi khaamosh

        banda-e-momin huN nahi dana-e-aspand                     ( Iqbal )

        [ sholoN = flames, momin = muslim, daana-e-aspan = grain of corn

          corn makes poping sound when put on fire.In aboeve three couplets,

          Dr. Iqbaal is pointing toward incident of Prophet Ibraheem(as) ]

        **********

        Ek hi saf mein khade ho gaye mehmood-o-ayaaz

        na koi banda raha na banda-nawaaz                         ( Iqbal )

        [ saf = row, Mehmood = Memood Gaznavi, Ayaaz = Servent of Mehmood

          banda = slave]

        **********

        Ek hoN muslim haram ki paasbaani ke liye

        Neil ke saahil se le kar tabakhak-kaashghar              ( Iqbal )

        [ haram = mosque, paasbaani = to gaurd, Neil= River of Egypt

                                           tabakhak-kaashghar= muslim countries near boder of USSR & Asia]

        **********    

        Yeh hi shiekh-e-haram hai jo chura kar bech khata hai

        galim-e-Buzar, wadeeq-e-Awees-w-chaadar-e-zohra          ( Iqbal )

        [ galim = gown, Buzar = Abu-Zar Gaffari (ratu)

          Awees = Awees Qarni (ratu)  Zohra = Haz Fatima (ratu)]

        **********

        Na kaheeN jahaaN meiN amaaN mili, jo amaaN mili to kahaaN mili

        mere jurm-e-khaana-kharaab ko, tere afu-e-banda-nawaaz meiN

                                                                 ( Iqbal )

        **********                                            

        Woh ek sajda jise tu garaaN samajhta hai

        hazaaroN sajdoN se deta hai aadmi ko nijaat              ( Iqbal )

        [ garaaN = costly/difficult]

        **********

        Nafs itna muzmahil, imaan itana qavi

        naan-e-jau ToDe na TuTe, baab-e-khaibar ToD de           ( Iqbal )

        [ Naf's = psyche, muzmahil = weak, imaan = faith,  qavi=strong/powerfull

          naan = bread/roti, jau = barli, baab = gate/door

          Dr.Iqbal is refrerring to Haz. Ali's incident of breaking Gate of Khaibar]

        **********

        Dard-e-dil ke waste paida kiya insaan ko

        warna taa'at ke liye kuch kam na the karro-bayaaN       ( Chakbast )

        [ taa'at = obedience, karro-bayyaN = angles ]

        **********

        Duniya tere wujud ko karti rahi talaash

        hum ne tere khayaal ko yazdaaN bana liya

        [ wujud = existence, yazdaaN = God ]

        **********

        Inkar kis ka karte ho tum woh agar nahi

        inkar jis ka karte ho tum woh khuda to hai

        **********

        Lazzat-e-sajdah-e-saNg-e-dar kya kaheN

        hosh hi kab raha sar jukhane ke baad

        kya hua har hasrat agar chin gayi

        aadmi ban gaya gham uThaane ke baad                      ( Shameem Jaipuri)

        **********

        Naqaab ulaT diya Moosa ne toor pe unka

        gunaah saleeqe se ho to gunaah nahi                      ( Seemaab )   

        [ saleeqa = manner]            

        **********

        Patta bhi agar hilta hai uski raza se

        phir banda gunha-gaar hai maalum nahi kyun

        [ raza = wish]

        **********

        Pairaahan-e-kub'r chaak ho jaata hai

        nafas-e-sar-kash halaak ho jaata hai

        muslim ke liye ajab nai'mat hai namaaz

        sar khaak meiN rakh ke paak ho jaata hai                 ( Amjad )

        [ pairaahan = dress, kub'r = arrogance,  chaak = tear off

          naf's = soul/self,  sar-kash = disobedient, halaak = killed

          khaak = dust/soil, paak = clean]

        **********

        Tu jaanta hai mere gunaahoN ki had nahi

        maiN jaanta hun lutf tere be-hisaab hai

        [ had = limit, lutf = favor]

        **********

        Tu hai muheet-e-bekaraaN, maiN huN zara si aab-ju

        ya mujhe ham-kinaar kar ya mujhe be-kinaar kar de        (Iqbal )

        [ muheet-e-bekaraaN = endless ocean, aab-ju = small river]

        **********

        Nikaala mujh ko jannat se fareb-e-zindagi de kar

        diya phir shauq jannat ka, yeh hairaani nahi jaati       ( Faraz )

        ********

        Taa'at mein taar hai, na mai-e-angbeen ki laag

        dozakh mein dal do le kar bahisht ko                     ( Ghalib )

        [ Ta'at = obedience, taar = concentration,

          mai-e-angbeen = wine of paradise, laag = desire/passion]

        **********

        Mujhe zaleel na kar azar-e-lan-taraani se

        yeh ahal-e-zauq ki tauheen hai jawaab nahi               ( Hafeez )

        [ zaleel = humiliate,  azar = excuse. lan-taraani = not possible, tauheen = insult

          "Lan-taraani" was reply from Allah(swt) when Moosa(as) ask to see Allah (swt)]

        **********