TAREEF

Tareef

                    [There are two categories in praising, one where poet is prasing beloved

                    or prasing himself ( which is called ta`alli )]

        DostoN us chashm-o-lab ki kuch kaho jis ke baghair

        gulistaN ki baat raNgeen hai na mai-khaane ka naam       ( Faiz )

        [ chasm = eyes, lab = lips, mai-khaana = bar]

        **********

        Woh cheez kehte hain firdos-e-gumshuda jis ko

        kabhi kabhi teri aankhoN mein paai jaati hai             ( Jigar )

        [ firdos = paradise, gumshuda = lost]

        **********

        Yeh baat, yeh tabassum, yeh naaz, yeh nigahen

        aakhir tumhi bataao kyun kar na tumhen chaahen           ( Josh )

        **********

        Nazuki uske lab ki kya kahiye

        pankhudi gulab kisi hai

        Meer un neem-baaz aaNkhon mein

        saari masti sharaab ki si hai                            ( Meer )

        [ Nazuki = delicacy, pankhudi = petals]

        **********

       

        Woh aaye bazm meiN itna to Meer ne dekha

        phir uske baad chiraaghoN meiN roshni na rahi            ( Meer )

        [ bazm = gathering/assembly ]

        **********

        Taab-e-nazaara nahiN aaina kya dekhne duN

        aur ban jaayeNge tasveer jo hairaaN hoNge                ( Momin )

        [ Taab = courage,  nazaara = scene, hairaaN = surprised ]

        **********

        Neend aa rahi unko, aankhen jhapak rahi haiN

        lo baNd ho raha hai mera sharaab khaana                  ( Shakeel )

        **********

        Aaj kya baat hai ke phool ka

        raNg teri haNsi se milta hai

        bhool jaata huN gham us ke

        woh kuch is saadagi se milta hai

        **********

        Aap ke naam se taabinda hai unwaan-e-hayaat

        warna kuch baat nahi thi mere afsaane meiN               ( Saleem Geelaani )

        [ taabinda = bright,  unwaan = title, hayaat = life]

        **********

        Door tak mujh ko ada uski nasha deti rahi

        waqt-e-rukhsat us ka muD kar dekhna achcha laga

        **********

        Ek teri tamanaa ne kuch aisa nawaaza hai

        maangi nahi jaati ab koi dua hum se

        [ nawaaza = favored ]

        **********

        Hazaar-ha yeh dekha keh unke chehre se

        nazar jo laut gai, aankho mein roshni na rahi            ( Taish )

        [ Hazaar-ha = thousand times]

        **********

        Log kehte haiN neel-kamal jise woh to 'Qateel'

        shab ko un jheel si aaNkhoN meiN khila karta hai         ( Qateel Shifaai )

        **********

        Nahi woh be-hijaab chaNd sa keh nazar ka koi asar na ho

        use itni garmi-e-shauq se badi der tak taka na karen     ( Basheer Badar )

        [ be-hijaab = shameless,  garmi-e-shauq= passion]

        **********

        Reh gaye ashk meri aaNkh meiN moti ban kar

        unke daaman meiN chamakte to sitaare hote

        **********

        Tumhare jaate hi taareek ho gai duniya

        qamar meiN noor sitaaroN mein roshni na rahi             ( Raaz Yazdaani )

        [ Qamar = Moon]

        **********

        Unki aankho mein larazte huye aansun ki qasam

        main ne saahil pe machalte huye tufaN ki dekha           (Naaz)

        **********

        Woh phool sa chehra, woh bhari bazm ki nazren

        kanton mein ghira husn-e-gulistan nazar aaya             ( Azaad )

        **********

        Bharam khula hai jab us se ham-kalaam huye

        hameN bhi za'am tha pyaare sukhan-shanaasi ka

        [ ham-kalam = talking, za'am = proud, sukhan-shanaasi = to know how to speak]

        **********

        Nigaah-e-naaz utarna ise naheen kehte

        dilon mein reh gayeen lehra ke bijliyaan teri            ( Firaq Gorakhpuri)

        **********

        Farsh-e-maikhaana pe jugnoo se chamak jaate hain

        deedani hai tiri aahista-ravi, ai saaqi!                 ( Firaq Gorakhpuri)

        [ Farsh = floor, deedani = worth seeing,

          aahista-ravi = walking slowly]

                                         **********

        tashbeehen kharhee hain 'haath baandhe'

        kya kahiye ke kya tira badan hai?                        ( Firaq Gorakhpuri)

        [ tashbeehen = metaphors, haath baandhe = requesting/pleading]

        **********

        Kis ne yeh jalwa-numaai ki hai

        bijliyion ne bhi duhaai di hai

        **********