SHKWA SHIKAYAT

Shikwa/Shikayat

                    [Poets always have some or the other things to complain about. This complain could be

                    against his beloved, his luck, this world,God or himself.]

        Yaa rab hujum-e-dard ko de aur wus'ateiN

        daaman to kya abhi meri aankheN bhi nam nahiN            ( Jigar )

        [ hujum = crowd,  wus'atein = enlargment, nam = wet]

        **********

        Badal gaye mere mausam to yaar ab aaye haiN

        ghamoN ne chaat liya gham-ghusaar ab aaye haiN

        yeh waqt is tarha rone ka to nahi lekin

        maiN kya karuN keh mere sogavaaar ab aaye haiN

        [ gham-ghusaar=   , sogavaar= ]

        **********

        Aap to but ban ke ki jalwah-giri

        aur hameN kaafir banaaya yaar ne                         ( Shaah Niyaaz Barelvi )

        [ but = idol, jalwah-giri = display/show]

        **********

        Aakhir jahaaN maiN shab-e-taareek bhi to hai

        achcha na aayeN aap shab-e-maahtaab meiN                 ( Shefta )

        [ shab-e-tareek = Dark night, shab-e-maahtaab=full moon night]

        **********

        Kya bhala mujh ko parakhne ka nateeja nikala

        zakhm-e-dil aap ki nazroN se bhi gehra nikala            ( Muzaffar Warsi )

        [ parakhne = to test, gehra = deep ]

        **********

        Aie khuda jo bhi mujhe pind-e-shakeebaai de

        us ki aaNkhoN ko mere zakhm ki gehraai de

        itna be-sarfa naa jaaye mere ghar ka jalna

        chash'm-e-girya na sahi chash'm-e-tamashaai de           ( Faraaz )

        [ pind-e-shakeebaai = advise to be patient

          be-sarfa = useless, chash'm-e-girya = crying eye

          tamashaai = viewer]    

        **********

        Ham se kya ho saka mohabbat meiN

        khair tum ne bewafaai ki                                 ( Firaq )

        **********

  

        Ab dekh yeh hasrat bhari ujDi hui aaNkheN

        duniya tere baare mein mere khuwaab bahut the

        [ hasrat = yearning ]

        **********

        Tujh se mil kar bichad gaye, tujh se bichad kar mil gaye

        aisi bhi qurbateN raheeN, aise bhi faasle rahe

        tu bhi na mil saka, umar bhi raaigaN gai

        tujh se to khair ishq tha, khud se bade gile rahe

        [ qurbateN = closeness, raaigaN = waste]

        **********

        WaadoN pe na aane ki aadat hai to waadoN meiN

        thodi si rakha kijie inkaar ki gunjaaish

        [ gunjaaish = place]

        **********

        Woh jhoote wade bhi baDi cheez the jeene ke liye

        tune woh shehar-e-tasalli to na dhaaya hota

        [ shehar = city, tasalli = consolation, dhaaya = demolish]

        **********

        Yeh tumhaari tal'Kh-nawaaiyaaN koi aur seh kar dikhaaye to

        yeh jo ham meiN tum meiN nibaah hai mere hausle ka kamaal hai

        [ tal'Kh-nawaaiyaan = bitter words, hausle = courage]

        **********

        Duniya-daari to farz thi tum par

        ek aaNsu to bahaa diya hota                              ( Adam )

        **********

        Hum aah bhi karteN haiN to ho jaate haiN badnaam

        woh qatal bhi karte haiN to charcha nahi hota            ( Akbar Allhabadi )

        [ aah = sigh ]

        **********

        InheN aaNsu samajh kar yuN na miTTi meiN mila zaalim

        payaam-e-dard-e-dil hai aur aaNkhoN ki zabaani hai       ( Jigar )

        [ payaam = message]

        **********

        Dard uThe to use weham se ta'beer karuN

        maiN behar-taur tera naam chupaana chaahuN

        badli badli si haiN ikhlaas ki qadreN Nazar

        maiN mohabbat ka wohi rog puraana chaahuN                ( Nazar )

        [ ta'ber = interpretation, ikhlaas = sincerity, qadreN = norms ]

        **********

        Duniya ko dekhti rahi jis nazar se maiN

        us aaNkh meiN mere liye pehchaaN bhi na thi

        **********

        Ek khamoshi hi hamaare dil ko deti hai malaal

        aur sab baateN pasaNd aayeN teri tasveer ki

        [ malaal = grief]

        **********

        Ghunche chup haiN gul haiN hawa par kis se kahiye ji ka haal

        Khaak-nashiN ek sabza hai so apna bhi begaana bhi

        [ Ghunche = bud, khaak-nashin = one living on floor (down to earth)]

        **********

        Hazaar naqsh-e-kaf-e-paaye ghair dekhe haiN

        hamaare sajdoN ke qaabil teri gali na rahi               ( Taish )

        [naqsh-e-kaf-e-paaye = footprint, ghair = stranger, here it means rival]

        **********

        HaseeN gul-ghudaar se phooloN ko tarasta jaauN

        muskuraati hui mehfil se sisakta jaauN

        ab aalim meri taqdeeer badal de warna

        teri duniya ko hi kuch na samajhta jaauN

        [gul-ghudaar = garden, sisakta = sobing, aalim = God]

        **********

        Har cheez zamaane meiN baDi der se mili

        manzil pe aa gaye to hameN rah-numa mile

        [ rah-numa = guide]

        **********

        Inqalaab aaya to aaya yuN mizaaj-e-yaar meiN

        kuch murrawwat me azaafa kuch mohabbat meiN kami

        [ Inqalaab = revolution/change, azaafa = increase]

        **********

        Is ko ni'amat kahun keh zulm kahun

        ek dil aur is qadar hassas                               ( Nazish )

        [ ni'amat = blessing,  hassas = sensitive]

        **********

        Jin pe hota hai bahut dil ko bharosa Taabish

        waqt paDne pe wohi log dagha de jaate haiN               ( Taabish )

        **********

        Jin dostoN se ham ko tawaqqa wafa ki thi

        woh dost dil se naqsh-e-wafa tak miTa gaye

        [ tawaqqa = expectation. naqsh = mark]

        **********

        Kya apni zindagi hai keh taqdeer se kabhi

        mange jo hum ne phool to kante chubo diye                ( Khamosh Gazipuri )

        **********

        Kabhi hayaat ki zaamin kabhi wasila-e-marg

        nigaah-e-dost tera koi aitbaar nahi

        [ hayaat = life, zaamin = guarantor, wasila-e-marg = reason for death]

        **********

        Log kanto se bach kar chalte hain

        hum ne phoolon se zakham khaye hain                      ( Rahi )

        **********

        Mujhe jo bhi dushman-e-jaaN mila wohi pukhta kaar-e-jafa mila

        na kisi ki zarab ghalat paDi na kisi ka waar khata hua

        mujhe ham-safar bhi mila koi to sitam zareef meri tarha

        kaheeN manziloN ka thaka hua kaheeN raastoN ka luta hua

        [ pukhta kaar = perfect,  jafa=unfaithful, zarab = hit

          khata hua = to miss target]

        **********

        Tere waade par sitam-gar aur sabar karte

        agar apni zindagi ka hameN aitbar hota                   ( Daagh )

        **********

        Mil gaye ho to chalo rasm-e-duniya hi sahi

        warna yuN pursish-e-ehwaal se kya hota hai               ( Faiz )

        [ pursish = enquire, ehwaal = condition/where about]

        **********

        Kuch to mere pindaar-e-mohabbat ka bhar'm rakh

        Tu bhi to kabhi mujh ko manaane ke liye aa               ( Faraaz )

        [ pindaare = pride, bhar'm = consideration/regard]

        **********

        Aie dil apne maseeha se bhi umeed na rakh

        woh taNg-dil hai tere zakhm ki gehraai bahut              ( Faraaz )

        [ tanNg = small]

        **********

        Mujhe wafa ki talab hai magar har ek se nahi

        koi mile magar us yaar-e-bewafa ki tarha

        woh ajnabi tha to kyuN mujhe se pher kar aaNkhe

        guzar gaya kisi daireena aashna ki tarha                 ( Faraaz )

        [ daireena = old, aashna = acquaintance]

        **********

        Yaa rab zamana mujh ko mitaTa hai kis lye

        lauh-e-jahaaN pe harf-e-mukarrar nahi hun main           ( Ghalib )

        [ lauh = writting board, jahaaN= world

          harf = aplhabet, mukarrar = repetitive]

        **********

        Nikalna khuld se aadam ka sunte aaye the lekin

        baDe be-aabru ho kar tere kooche se hum nikale           ( Ghalib )

        [ khuld = heaven, be-aabru = insulated, kooche = lane]

        **********

        Hum bhi dushman to nahiN, haiN apne

        ghair se tujh ko mohabbat hi sahi                        ( Ghalib )

        **********

        Jaate huye kehte ho qayaamat ko mileN ge

        kya khoob, qayaamat ka hai goya koi din aur              ( Ghalib )

        **********

        Kab woh sunta hai kahaani meri

        aur phir woh bhi zabaani meri                            ( Ghalib )

        **********

        Aaj tak hai shikast ka ehsaas

        aap se arz-e-mud'aa kar ke                               ( Iqbal )

                                         [ arz = to ask, mud'aa = question/matter]

        **********

        Rona hai yeh ke aap bhi haNste haiN warna yaaN

        ta'ana-e-raqeeb dil pe kuch aisa garaaN na tha           ( Halee )

        [ ta'ana = taunt, raqeeb = rival, garaaN = bad]

        **********

        Kaante kisi ke haque mein, kisi ko gul-o-samar

        kya khoob ehatmaam-e-gulistan hai aaj kal                ( Jigar )

        [ ehatmaam = arrangement]

        **********

        Tujh ko khabar nahi magar ek saada-luh ko

        barbaad kar diya tere do din ke pyar ne                  ( Saahir )

        [ saada-luh = simple nature]

        **********

        Yeh to nahi kehta huN keh sach much karo insaaf

        jhooti bhi tasalli ho to jeeta rahuN ga                  ( Sauda )

        **********

        Phoolon ke to qaabil nahi shayad mera daaman

        aie saheb-e-gulshan ise kaanton hi se bhar de            ( Shaad )

        [ saheb-e-gulshan = owner of the garden]

        **********

        Tum bhool kar bhi nahi yaad karte ho kabhi

        ham to tumhaari yaad meiN sab kuch bhula chuke           ( Zauq )

        **********

        Dil ka bhi kya qusoor, tumhari bhi kya khata

        bargashta mujh se khud meri qismat hai kya karoon        ( Shakeel )

        [ bargashta = angry/upset]

        **********

        Na kaha tha keh kabhi door na jaan mujh se

        ab teri yaad bhi cheenega zamaana mujh se                ( Farhat Abbas Shah)

        **********

        MaiN to baiThaa huN dabaaye huye tufaanoN ko

        tu mere dil ke dhaDakne ka gila karataa hai

       **********