MOHABBAT

     

Mohabbat

        Gaahe gaahe ise paDha kije

        dil se behtar koi kitaab nahi                           

        [gaahe gaahe = kabhi kabhi]

        **********

        Tum zamaane ki raah se aaye

        warna seedha tha raasta dil ka

        **********

        Hum mohabbat mein bhi toheed ke qaayel hain Faraaz

        ek hi shakhs ko mehboob banaaye rakhna                   ( Faraaz )

        [ toheed = uniquness, qaayel = to accept]

        **********

        Tumhaare maamle meiN khud m'ra dil

        m're madd-e-muqaabil daT gaya hai                        ( Farhat Abbas Shah )

        [ madd-e-muqaabil = opposite, dat gaya = to take stand]

        **********

        Meri duniya aap ki muntazir hai

        apni duniya choD kar aa jaaye                            ( Jigar )

        [ muntazir = waiting for]

        **********

        Le chal hareem-e-naaz meiN aie zauq-e-bandagi    

        aaj unke paay-e-naaz par sajda kareNge ham               ( Jigar )

        **********

        Yeh meri waaraftaghi, ma'az-allah        

        tum bhi aaye to kuch khabar na hui                       ( Josh )

        [ waaraftaghi = engrossment ]

        **********

        Tum mere pas hote ho goya

        jab koi doosra nahi hota                                 ( Momin )

        **********

        Us naqsh-e-paa ke sajde ne kiya kya kya zaleel

        maiN kucha-e-raqeeb meiN bhi sar ke bal gaya             ( Momin )

        [ naqsh-e-paa = footprint, zaleel = humiliate, kucha = lane

          raqeeb = lane]

        **********

        Ajeeb kuch lutf rakhta hai shab-e-vasal me dilbar suN

        sawaal aahista aahista jawaab aahista aahista            ( Wali Dakhani)

        [ lutf = enjoyement, shab-e-vasal = night of meeting, suN = with]

        **********

        Is dil ke dhaDakne ka kuch to sabab hai aakhir

        yaa dard ne karwat li ya tum ne idhar dekha

        [ sabab = reason ]

        **********

        Izhaar-e-tamanna pe ajab haal hai unka                  

        aaNkhe to razaa-maNd haiN lab soch rahe haiN

        [ Izhaar = to express, tamanna = desire, razaa-manD = agree]

        **********

        Inhi paththaroN pe chal ke aa sako to aao

        mere ghar ke raaste mein koi kehkashaaN nahi hai

        [ kehkashaaN = galaxy ]

        **********

        Kaise yaqeeN aaye, yeh khwab hai ya haqeeqat

        ehad-e-wafa kisi ka aur itni saadge se                   ( Qurairshi Naadim )

        **********

        Khair ho mohabbat ki un ke dar pe jaana hai

        haal-e-dil bhi kehna hai, dard bhi chupaana hai

        **********

        Khayaal-e-yaar salaamat tujhe khuda rakhe

        tere baghair kabhi ghar meiN roshni na rahi

        **********

        Kuch to hote haiN mohabbat meiN junooN ke aasaar

        aur kuch log bhi dewaana bana dete haiN

        [ junooN = madness, aasaar = symptoms ]

        **********

        Mohabbat ke liye kuch khaas dil mukhsoos hote haiN

        yeh woh naghma hai, jo har saaz pe gaaya nahi jaata      ( Mukhmoor )

        [ mukhsoos = reserved/choosen ]

        **********

        Main us ki dast-ras mein hun magar woh

        mujhe meri razaa se maaNgta hai

        [ dast-ras = reach, razaa = willingness]

        **********

        Main tujh ko DhooND DhooNd kar khud bhi kho gaya

        tu kabhi is khulus se mujh ko talaash kar

        [ khulus = sincerity ]

        **********

        Mere gham ka saathi, mere bakht ka sitaara

        teri aarzoo ne loota, teri justaju ne maara

        maiN bisaat-e-zindagi par gham ki baazi                  

        kabhi unki sheh pe jeeta, kabhi dil sheh pe haara

        [ bakht = luck/destiny,  bisaat = board, sheh = check

                                           bisaat-e-zindagi = game of life]

        ********** 

        MaiN to sau bar teeshe ki zabaaN se keh dooN

        tu jo fasaana-e-Farhaad bas ek baar sune

        [ teeshe = Axe ]

        **********

        Majaal-e-tark-e-mohabbat na ek baar hui

        khayaal-e-tark-e-mohabbat to baar baar aaya

        [ Majaal = Daring]

        **********

        Main kya karuN ga agar woh na mil saka Amjad

        abhi abhi mere dil me khayaal aaya hai                   ( Amjad Islaam Amjad )

        **********

        Paththar pe lakeeroN ki tarha dil meiN tera naam

        aur log kaheN mujh se keh ab us ko bhula do

        **********

        Qasam khuda ki mohabbat nahi aqeedat hai        

        dayaar-e-dil me baDa ehatraam hai tera          

        [ aqeedat = adore, dayaar = country]

        **********

        Sunte haiN keh mil jaati hai har cheez dua se

        ek roz tumheN maaNg kar dekheN ge khuda se

        **********

        Tum mujhe pyar ke andaaz se dekha na karo

        dil dhadakta hai to duniya ko khabar hoti hai            ( Amrutlaal Ishrat)

        **********

        Tum ko hazaar sharm sahi, mujh ko laakh zabt

        ulfat woh raaz hai jo chupaya na jaayega                 ( Faani Badayuni)

        [ zabt = control, ulfat = love ]

        **********

       

        Thi khata un ki magar jab aa gaye woh saamne

        jukh gai meri hi aaNkhe rasm-e-ulfat dekhiye

        [ khata = fault, rasam = customs ]

        **********

        Tujhe kho kar tujhe paauN jahaaN tak dekhuN

        hus'n-e-yazdaaN se tujhe hus'n-e-butaaN tak dekhuN

        [hus'n = beauty, yazdaaN = God, butaaN = plural of 'But' ie idols ]

        **********

        Tujh ko dekha nahi mehsoos kiya hai maiN ne

        aa kisi din mere ehsaas ko peekar kar de                 ( Shaahid Meer )

        [ peekar kar de = to give a shape or look ]

        **********

        Uski phoolon mein basar ho zindagi

        jo mujhe kaanton mein uljha kar hanse                    ( Saabir )

        **********

        Un ke dar se uthe hi the keh hamein

        tangi-e-kaaenaat yaad aai                                ( Khumar Barabanqvi )

        [ tangi = narrowness, kaaenaat = universe]

        **********

        Use na jeet sake ga gham-e-zamaana ab

        jo kayenaat tere dar pe haar di ham ne

        [ dar = gate ]

        **********

        WaheeN waheeN pe zamaane ne tera naam liya         

        jahaaN jahaaN bhi meri daastaan-e-gham pahuNchi          ( Shairi Bhopali)

        [ WaheeN = there ]

        **********

        Woh baDa raheem-o-kareem hai, mujhe yeh sifat bhi ataa kare

        tujhe bhoolne ki dua karuN to dua meiN meri asar na ho

        [ sifat = quality, ataa = give]

        **********

        Yeh uDi uDi si raNgat yeh khule khule se gesu

        teri subha keh rahi hai teri shaam ka fasaana

        [ gesu = hair]

        **********

                                           

        Yeh ajeeb khel hai ishq ka maiN ne aap dekha yeh maujza

        woh jo lafz mere gumaaN mein the, woh teri zabaan pe aa gaye

        [ maujza = miracle, gumaaN = fancy/thoughts]

        **********

        Yeh ejaaz-e-mohabbat ki junuN khezi hai

        maiN jo dil meiN tere qadmoN ke nishaaN dekhuN

        meri gustakh nigaahi ka gila kyuN Raashid

        woh jahaN tak mujhe keh den maiN wahaaN tak dekhuN

        [ ejaaz = miracle/wonder, junuN-khezi = madness, gustakh-nigaahi = boldness

        [ gila = complaint]

        **********

        Bola hai kaun Adamaaj itni chah se

        Ehsas-e-bartari se khuda ho gaya huN meiN                ( Abdul Hamid Adam )

        [ Ehsas-e-bartari = feelig of superiority]

        **********

        Har rag-e-khooN meiN phir chiraaghaaN ho

        saamne phir woh be-naqaab aaye                           ( Faiz )

        [ rag = veins, chiraaghaaN = lighting]

        **********

        Main harf harf haqeeqat, main warq warq sachcha

        magar shart hai mujhe ghaur se paDho jaanaaN             ( Faraaz )

        [ harf = aplhabet, ghaur = concentration ]

        **********

        Main bulaata to hun magar aie jazbaa-e-dil

        us pe ban jaaye kuch aisi ke bin aaye na bane            ( Ghalib )

        **********

        BaDi tamanna thi zamaane maiN kisi se pyaar hojaaye

        nazar ka teer kuch aisa chale ke jigar ke paar hojaye

        **********

        Ehad-e-wafa tark-e-mohabbat jo chaahe so aap karo

        apne bas ki baat bhi kya hai ham se kya manwaao ge

        [ Ehad = promise, tark=to leave/break]

        **********

        Ek nazar ke liye tamam umar

        umar bhar ke liye ek nazar                               ( Shameem Jaipuri )

        **********

        Jab bhi aata hai mera naam tere naam ke saath

        jaane kyuN log mere naam se jal jaate haiN

        **********

        Saari yaaden to ek tum se theeN

        tum ko bhoole, jahaaN bhool gaye                         ( Farhat Abbas Shah )

        **********

        Jumla asbaab-e-jahan per hai taghiyur haavi

        ek mohabbat hai keh har waqt jawaN rehti hai            

        [ Jumla = All, asbaab = things, taghiyur = changes, haavi = dominate]

        **********

        Kare kalaam jo mujh se to mere lehje meiN

        mein chup rahuN to meri tevroN ka saathi ho

        woh khvaab dekhe to dekhe mere hawaale se

        mere khyaal ke sub manzaroN ka saathi ho                 ( Parveen Shakir )

                                         [ kalaam = talk, tevaron = style, hawaale = refrence,

                                           manzaron = scenes]

        **********       

        Bhalaaiyon ki to kya baat ro parhaa hoon main

        jo yaad aa gayeen mujh ko buraaiyaan teri                ( Firaq Ghorakhpuri )

        **********