BEWAFAAI

Befawaai

        Wafa ke zikar par tum kyuN sambhal ke baiTh gaye

        tumhari baat nahi baat hai zamaane ki

        **********

        Nahi shikwa mujhe kuch be-wafaai ka teri hargiz

        gila tab ho agar tu ne kisi se bhi nibhaai ho            ( Dard )

        **********

        Mujh ko to hosh nahiN tum ko khabar ho shaayad

        log kehate haiN ki tum ne mujhe barbaad kiyaa            ( Josh )

        **********

        Meri saari zindagi ko be-samar us ne kiya

        umar meri thi magar us ko basar us ne kiya

        shehar me woh mautbar meri gawaahi se hua

        aur us ne shehar me na-mautbar mujh ko kiya              ( Muneer Niyazi)

        [ be-samar = fruitless, mautbar = respectable, gawaahi = witness]

        **********

        Apni tabaahiyoun ka mujhe koi gham nahi

        tum ne kisi ke saath mohabbat nibha to di                ( Saahir )

        **********

        Kya haseen khawaab mohabbat ne dikhaya tha hamein

        khul gai aankh, to ta'beer pe rona aaya                   ( Shakeel )

        **********

        Milta rah woh khuwaab me kitne khulus se

        aaNkhe khuli to khuwaab ki ta'beer ham na the

        **********

        O wafa naa-aashna kab tak sunuN tera gila

        be-wafa kehte haiN tujh ko aur sharmaata huN maiN        ( Agha Hashar )

        [ naa-aashna = stranger, gila = complaint]

        **********

        Woh saari khushiyaaN jo us ne chaheeN uTha ke jholi meiN apni rakh li

        hamare hisee meiN azar aaye, jawaaz aaye, usool aaye

        [ azar = excuse, jawaaz = reasons, usool = rules]

        **********

        Zara si der mein tum ne nigaaheN pher leiN mujh se

        wafa ka hashar itna mukhtasar dekha nahi jaata

        [ mukhtasar = short]

        **********

        Kisi be-wafa ki khaatir yeh junuN Faraaz kab tak

        jo bhula chuka hai tum ko use tum bhi bhool jaao

        [ junuN = madness]

        **********

        Woh zindagi ho keh duniya Faraaz kya kijiye

        jis se ishq karo be-wafa nikalti hai

        **********

        Tere wade pe jiye to yeh jan ki jhoot jana

        khushi se mar na jate gar aitbar hota                    ( Ghalib )

        **********

Tanz

        Ehbaab ko rahi mere ayub ki talash

        maiN pur-khulus un ke hunar tolta raha

        [ Ehbaab= friends/relatives, ayub = weeknesses,

                                           pur-khulus= sincere, hunar=skill/art]

        **********     

        Apne kiye par ham donoN haiN itne sharminda

        dil ham se katraata hai aur ham dil se katraate haiN     ( Qateel Shifaai )

        **********

        Kabhi afsos aata hai kabhi rona aata hai

        dil-e-beemar ke haiN do hi ayaadat wale                  ( Zauq )

        **********

        Mutmaein hun tere tabassum se

        mere gham ka koi gawah to hai                            ( Shakeel )

        **********

        Har ek sawal ka jawaab kya deta

        maiN lakht lakht badan ka hisaab kya deta

        jo ek lafz ki khushbu na rakh saka mehfooz

        maiN uske haath me poori kitaab kya deta

        [lakht = piece, "lakht lakht" = broken in pieces]

        **********

        Hausla kis me hai Yusuf ki kharidaari ka

        ab to mehangaai ke charche haiN ZulaikhaaoN mein

        [ Hausla = courage ]

        **********

        Is qadar qahat-e-wafa hai meri duniya meiN nadeem

        jo zara haNs ke mile us ko maseeha samjhuN

        [ qahat = defeciency/lacking, maseeha=christ/one who can give life]

        **********

        Is ko naa-qadri-e-aalam ka sila kehte haiN

        mar gaye ham to zamaane ne bahut yaad kiya

        [ naa-qadri = unappreciative, aalam = world, sila = return]

        **********

        Is daur ka m'ayaar-e-mohabbat bhi hai daulat

        Thukraao magar kuch meri qeemat to laga do

        [ m'ayaar = standards]

        **********

        Kuch to tere mausam hi raas kum aaye

        aur kuch meri miTTi me baghawat bhi bahut thi

        [ Raas = suit, miTTi = soil, baghawat=rebellion/revolution]

        **********

        Khafa bhi woh tha, tark-e-taa'ulluq bhi kiya usne

        magar ek umar se meri pashemaani nahi jaati

        [ pashemaani = guilt ]

        **********

        KahaN se seekh li tum ne bhi yeh adaa-kaari

        tumhaari aaNkhoN meiN aaNsu ajeeb lagte haiN

        **********

        Mujh mein ek aib bada hai keh wafadar bhi huN

        tum meiN do wasf keh bad-khu bhi ho maghroor bhi

        [ aib = weekness, wasf = qaulities,  bad-khu = bad habits]

        **********

        Mere fareb-e-nazar ne use bulaNd-qaamat bana diya tha

        ittefaaqan jo baam se utra to ek baar dekha tha

        [ bulaNd-qaamat = tall,  baam= roof/terrace]

        **********

        Mohabbat ko samajhna hai to naaseh khud mohabbat kar

        keh saahil se kabhi andaazaa-e-tufaaN nahi hota

        [ naaseh = preacher, andaazaa = estimatation]

        **********

        Tu aur chashm-e-lutf nai waardaat hai

        meri nigaah ne mujhe dhoka diya na ho                    ( Arzoo Lukhnovi)

        [ chams-e-lutf = favor, waardat = incident]

        **********

        Tum aasmaN ki bulandi se jald laut aana

        mujhe zameen ke masaa-yal pe baat karni hai

        [ masaa-yal = problems]

        **********

        Tum tark-e-ta'alluq ka kisi ko na bataana

        maiN logoN se keh dooNga keh fursat nahi milati

        [ tark-e-ta'alluq = breaking of relation]

        **********

        Kal shab nazar aayeN jo be-parda chaNd bibiyaaN

        Akbar ghairat-e-qaumi se gadh gaya

        poocha jo aap ka parda kahaN gaya

        haNs ke boli, aqal pe mardon ki pad gaha                 ( Akbar Allhabadi )

        **********

        Is tauba per hai naaz tujeh zaahid is qadar

        jo Toot kar shareek ho mere gunaah meiN                  ( Daagh )

        [ naaz = proud, zaahid = preacher, shareek = join]

        **********

        Kar raha tha gham-e-jahaaN ka hisaab

        aaj tum yaad behisaab aaye                               ( Faiz )

        **********

        Woh baat saare fasaane me jis ka zikar na tha

        woh baat unko bahut naagawar guzri hai                    ( Faiz )

        [ naagawar = unpleasant]

        **********

        Yun hi mausam ki ada dekh kar yaad aaya

        kis qadar jald badal jaate hain insan janaaN             ( Faraaz)

        Dil yeh kehta hai keh shaayad ho afsurda tu bhi

        dil ki kya baat kareN dil to hai naadaaN jaanaaN

        [ janaaN = dear/as loving as life]

        ********

        Aa keh ab tasleem kareN tu nahi to maiN sahi

        kaun maanega keh ham donoN meiN be-wafa koi nahi         ( Faraaz )

        [ tasleem = accept]

        **********

        Ab to mujh ko bhi nadaamat hai apni wafa pe

        mukhtalif kitna zamaane se chalan mera tha               ( Faraaz )

        [ nadaamat = guilt, mukhtalif = different, chalan = style]

        **********

        Bas itna farq hai Yusuf meiN aur mujh mein Faraaz

        keh us ko ghair mujhe yaar bech dete haiN

        **********

        Ki mere qatal ke baad usne jafa se tauba

        haai us zood-pashemaaN ka pashemaaN hona                   ( Ghalib )

        [ zood = quick, pashemaan=repentant]

        **********

        HaaN nahi woh wafa-parast jaao woh bewafaa sahi

        jis ko ho jaan-o-dil azeez us ki gali mein jaaye kyun    ( Ghalib )

        **********

        Ghalib bura na maan jo waa'z bura kahe

        aisa bhi koi hai keh sab achcha kaheN jise

        [ waa'z= speaker/preacher]

        **********

        Maghroor tha kamaal-e-sukhan per bahut Hafeez

        hum ne bhi wah wah na ki, hum bhi chup rahe    

        [ kamaal = experties, sukhan = speech]

        **********

        Yeh niyaaz-e-gham khuwaari yeh shikast-e-dildaari

        bus nawazish-e-jaanaaN dil bahut pareshaaN hai            ( Majrooh )

        [ niyaaz = desire,  gham-khuwaari = shring sorrow

          dildaari = consolation, nawazish = kindness, jaanaaN = sweatheart]

        **********

        Tum mere liye ab koi ilzaam na dhoondo

        chaaha tha tumheN ek yahi ilzaam bahut hai                 ( Saahir )

        **********

        Kaun rota hai kisi aur ki khaatir aie dost

        sab ko apni hi kisi baat pe rona aaya                    ( Saahir )

        **********

        Woh agar buraa na maaneN to jahan-e-raNg-o-bu meiN

        maiN sukun-e-dil ki khaatir koi dhund lun sahaara        ( Shakeel )

        **********

        Ba-wafa sahi tum, maiN ghalat samjha tha

        maan leta hun aisi bhi wafa hoti hai                    ( Shakeel )

        **********

        Khalaq ki be-khabari hai yaa meri ruswaai

        log mujh ko hi sunaate haiN fasaane mere

        [ khalaq = people]

        **********

        Khalaq ki saNg-zani meri khataaoN ka sila

        tum to ma'soom ho tum zara door ho jaana

        [ saNg-zani = stone throwing, khataaoN = sin, sila = return]

        **********

        Aap kehte haiN keh auroN ne kiya ham ko zaleel

        bandaa-parwar kahiN apnoN hi ka yeh kaam na ho

        [ zaleel = humiliate]

        **********

        Jin ke aaNgan main ameeri ka shajar lagta hai

        un ka har aib zamaane ko hunar lagta hai

        [ aaNgan = frontyard, shajar = tree, aib = faults/weekness,

          hunar = skill/art]

        **********

        Aap lillah meri fikar na kijiye hargiz

        aa gaye haiN bas yuNhi shauq ke mare aaNsu

        mere hoNtoN ko to jumbish bhi na hogi lekin

        shiddat-e-gham se jo ghabra ke pukaare aansu

        [ lillah = for god sake, jumbish = movement ]

        **********

        Baahar se salaamat huN, na andar se shikasta

        yaaroN mujhe jeene ki ada kyuN nahi aai

        [ shikasta = broken ]

        **********

        Khud-numaai to naheen shevaa-e-arbaab-e-vafaa

        jin ko jalna ho woh aaraam se jal jaate haiN             ( Qateel )

        [ shevaa = habit, arbaab-e-people = faithful people]

        **********

        Kuchh aisa ho, dam-e-aakhir na aayeN woh ayaadat ko

        unheN apne kiye par yooM pashemaaN kaun dekhe ga? 

        naf's ke saath hi qaid-e-ta'alluq toot jaati hai!

        palat kar phir soo-e-gor-e-gharibaaN kaun dekhe ga?      ( Makhmoor)

        [nafs = breath, soo = in the direction, gor = grave]

        **********

        Shikva-e-be-tawajjohi ab to naheen tujhe,Firaq?

        tok'ti hai nigaah-e-naaz aaj to baat baat mein           ( Firaq )

        **********

        Is daur ke insaan vafa bhool gaye hain

        be-chaare farishte hain khata bhool gaye hain            ( Khumar Barabanqvi )

        **********