DOST FALSAFA

Dost

        HameN bhi aa paDa hai dostoN se kaam kuch yaani

        hamaare dostoN ke be-wafa hone ka waqt aaya              ( Akhtar Sheerani )

        **********

        Ham wafaayeN kar ke rakhte haiN wafaaoN ki umeed

        dosti me is qadar saudaagiri bhi jurm hai

        **********

        Na jaane kyuN use dil meharbaaN samajhta hai

        woh dost hai to bas itna ke ajanabi kam hai

        **********

        DostoN se is qadar sadme huye haiN jaaN par

        dil se dushmn ki adaawat ka gila jaata raha              ( Aatish )

        [ adaawat = envy, gila = complaint]

        **********

        Yeh kahaN ki dosti hai keh bane hain dost naaseh

        koi chaarah-saaz hota, koi ghum-ghusaar hota             ( Ghalib )

        [ naaseh = adviser/preacher, chaarah-saaz = one who can cure

          ghum-gusaar = one who can share sorrow]

        **********

        Apnon ki dosti ne sikhayaa hai yeh sabaq

        ghairon ki dushmani bhi inaayat se kam nahiN             ( Josh )

        [ inaayat = blessing]

        **********

        Dushmani to khair har surat main hoti hai gunah

        ek moiyyan had se aage dosti bhi jurm hai

        [ moiyyan = fixed, had = limit]

        **********                             

Falsafa

        PuKHtaa hoti hai agar maslahat-andesh ho aql

        ishq ho maslahat-andesh to hai KHaam abhee               ( Allama Iqbal )

        [ maslahat-andesh = carefull/precatuios, Khaam = raw/incomplete]

        **********

        Aaap kehte the rone se na badlenge naseeb

        umar bhar aap ki is baat ne rone na diay                 ( Sudarshan Faaqir )

        **********

                                                            

        Aie mauj-e-balaa de unko bhi do char thapeDe halke se

        kuch log abhi tak saahil se tufaN ka nazaara karten haiN

        [ mauj = wave, thapeDe = blow/hit, nazaara = view/sight ]

        **********

            

        Aie dekhane waaloN mujhe haNs ke na dekho

        tum ko bhi mohabbat kahiN mujh sa na bana de

        aakhir koi surat bhi to ho khaana-e-dil ki

        kaaba nahi banta hai to but-khaana bana de               ( Behzaad Lukhnovi )

        [ khaana = place]

        **********

        Bahut mushkil hai duniya ka saNwaarna

        teri zulf ke pech-o-kham nahi hai

        [ pech-o-kham = ups and downs]

        **********

        Bas ek qadam paDa tha ghalat raah-e-shauq mein

        manzileiN tamaam umar hameN DhuNDti rahi

        **********

        BaT jaayeNgi kirchiyaaN bhi tere wujud ki

        mujh ka na ToD dekh, tera aaina huN maiN

        [ kirchiyaaN = smalll pieces,  wujud = existence]

        **********

        Baat agar zarf ki hai to yuN kar lo

        tum jeet jaao, haar mere naam kar lo

        [ zarf = dignity ]

        **********

        Badi umeed thi kaar-e-jahaaN mein dil se magar

        use teri talab me kharaab hona tha

        [ kaar = work/task, jahaaN = world, talab = wish/search ]

        **********

        Bas ek tu that jise raayegaaN kiya maiN ne

        aur ek ishq tha jo be-panaah mujh se hua

        [ raayegaaN = waste, be-panaah=unlimited ]

        **********

        Daur-e-jadeed me jise chaaho kharid lo

        insaan ne apne aap ko kitna gira diya

        [ Daur = period, jadeed=modern]

        **********

        Gham bhi guzishtani hai, khushi bhi guzishtani

        kar gham ko ikhtiyaar keh jaaye to gham na ho

        [ guzishtani = to be gone, ikhtiyaar = control ]

        **********

        Gur zindagi ke seekheN haNsti hui kali se

        lab pe hai muskurahat, dil khooN ho raha hai

        [ Gur = skill ]

        **********

        Gar'd ki tahoN mein rehne do ise aaluda

        zindagi aaina dekhegi to dar jayegi                     

        [ Gar'd = dust, tahoN = fold/layer, aaluda = dirty ]

        **********

        Gaye gulistaaN meiN hum bhi baarha lekin

        kabhi bahaar se pehle, kabhi bahaar ke baad

        [ baarha = many times]

        **********

        Gira ke aaNkh se mujh ko zamaana bhool gaya

        ek ashk tha maiN zamaane ki chashm-e-tar ke liye         ( Bismil )

        [ ashk = tear, chashm = eye,  tar= wet]

        **********

        GhamoN ki fasal hamesha rahi tar-o-taza

        yeh woh khizaaN hai keh sharminda-e-bahar nahi

        [ khizaan = autumn/fall, sharminda-e-bahar=obliged to spring]

        **********

        Gham-e-hayaat ki shiddat kuch aisi kam na thi

        maiN sochta huN keh phir aap yaad aaye kyuN

        [ Gham-e-hayaat = sorrows of life, shiddat = intensity]

        **********

        Gaafil na tujh se aie gham-e-uqba the ham magar

        daam-e-gham-e-jahaaN se rihaai na ho saki                ( Mehroom )

        [ Ghaafil = ignorant/careless,  uqba = life after death,

          daam = net, rihaai = freedom]

        Hansne ki aarzu mein aansun nikal pade hain

        aur kya sunaaen afsaana zindagi ka                       ( Afsar Meerthi )

        **********

        Har musibat ka diya hum ne ek tabassum se jawab

        is tarha gardish-e-dauraN ko rulaya humne

        [ gardish-e-dauraN = ups and downs of life]

        **********

        Hum nahi baad-e-hawaadis ki nigahon ke ghulam            

        dagmagaye to qadam aur sambhal jaayenge                  ( Anwari Begam )

        [ baad-e-hawaadis = wind of troubles]

        **********

        Hausla dekh leiN hum bhi sar-e-kharman apna

        aur baaqi hai koi shola-e-tadbeer kaho

        [ hausla = courage, kharman = nest, sar-e-kharman = on nest,

                                           shola = flame, tadbeer = trick/method]

        **********

        Hal kuch to nikal aayega haalat ki zid ka

        aie kasrat-e-aalaam maiN kuch soch raha huN

        [ Hal = solution, kasrat = abundance, aalaam = problems/troubles]

        **********

        Jab tak bike na the koii poochta na tha

        tum ne khareed kar mujhe anmol kar diya

        **********

        Jee raha huN is aitmaad ke saath

        zindagi ko meri zaroorat hai                              ( Qaabil Ajmeri )

                                         [ aitmaad = confidense]

        **********  

        Jawaani meiN adam ke waaste saamaan kar ghaafil

        musaafir shab ko uThte haiN jo jaana door hota hai

        [ adam = non-existence/life after death, waaste = for, ghaafil = ignorant]

        **********

        Kanton se dil lagao taa-umar saath denge

        phulon ka kya keh saans ki garmi bhi na seh saken        

        [ taa-umar = life long, saans = breath]

        **********

        KhizaaN rakhegi darakhtoN ko be-samar kab tak

        guzar hi jaayegi yeh rut hosala rakhna

        [ be-samar = fruitless, hosala = courage,  KhizaaN=autumn]

        **********

        Kashti to gharaq ho gayi kashti ka kya malaal

        saahil ke paas gharaq hui yeh malaal hai

        [ gharaq = sink, malaal = sadness]

        **********

        Laaya Qateel waqt hameN kis muqaam per

        sab walwale chale gaye daanaai reh gai                   ( Qateel Shifaai )

        [ walwale = enthusiasm, danaai = inteliigence]

        **********

        Mutsil rote hi rahen to bujhe aatish-e-dil

        ek do aansu to aur aag laga dete hain                   

        [ Mutsil = contnious, aatish = fire ]

        **********

        Mera mizaaj hi toofaN-pasaNd tha warna

        sadaayeN dete rahe log saahil se mujhe

        [ mizaaj = nature, toofaN-pasaNd = adventurous, sadaayeN = call]

        **********

        Mohabbat, adaawat, wafa, be-rukhi

        kiraaye ke ghar the badalte rahe

        **********

        Nafs ko aaNch par woh bhi umar bhar rakhna

        baDa mohaal hai hasti ko mautbar rakhna

        [ Nafs = soul, aaNch = flame, mohaal = difficult, mautbar = respectable]

        **********

        Qaamat pe apni naaz tha Aabid jihneN woh peD

        aandhi ki zad pe aaye to jaD se ukhaD gaye               ( Aabid )

        [ Qaamat = height, naaz = proud  peD = trees, zad=struck jaD = root]

        **********

        Roshni baaNT li ubhre huye meenaroN ne

        past zarroN ke muqaddar meiN wahi raat rahi

        [ meenar = tower, past = lower, zarroN = partical]

        **********

        Rafta-Rafta mere haathoN ki lakeereN uD gaiN

        qismatoN ke bhed muThThi mein bhi posheeda na the

        [ posheeda = hidden]

        **********

        Shart-e-weerani se waaqif nahi shehar ke log

        dar-o-deewar bana ke ghar jaante haiN

        [ shart = condtion, weerani = desolation. waaqif = known]

        **********

        Shehar meiN hai aadmi ka khoon arzaaN bahut

        is mataa-e-be-bahaa ke daam kyuN saste lage

        [ arzaaN = cheap, mataa = property, be-bahaa = priceless]

        **********

        Takhleeq-e-kaayenaat ke dil'chasp jurm per

        haNsta to hoga aap bhi yazdaaN kabhi kabhi

        [ Takhleeq-e-kaayenaat = creation of universe, yazdaaN = God,

          dil'chasp = interesting]

        **********

        Yehi kante to kuch khuddar hai sehan-e-gulistan mein

        keh shabnum ke liye daaman ko phailaya nahi karte        ( Nishwar wahidi )

        [ khuddar = dignified, sehan = veranda, shabnum = dew]

        **********

        Yehi maNdir yehi masjid yehi guruduvaara hai

        dil ke TukDoN ko pyaar se joDa jaaye

        **********

        YuN phir raha hai kaaNch ka peekar liye huye

        ghaafil ko gumaaN hai ke paththar na aaye ga

        [ peekar = figure, ghaafil = ignorant, gumaaN = fancy/thought]

        **********

        Ya deewaana haNse ya jise tu taufeeq de

        warna is duniya mein aa kar muskuraata kaun hai

        [ taufeeq = ability]

        **********

        Zindagi kya hai anaasir meiN zahur-e-tarteeb

        maut kya hai inhi ajza ka pareshaaN hona                  ( Chakbast )

        [ anaasir/ajza = particles, zahur = display tarteeb = order

          pareshaaN hona = scattered]

        **********

        Zindagi qatre ko sikhaati hai israar-e-hayaat

        yeh kabhi gohar, kabhi shabnam, kabhi aaNsu hua

        [ qatre = drop, israar-e-hayaat = secrets of life, gohar = pearl]

        **********

        Hue naam-war be-nishaan kaise kaise

        Zameen kha gai aasman kaise kaise                         ( Aatish )

        [ naam-war = famous, be-nishaan = ruined]

        **********

        Kehte haiN jis ko zeest woh rangeen haadasa

        zehar-o-angbeeN se bhara jaam hai                        ( Adam )

        [ zeest = life, haadasa = accident, zehar = poiston,

          angbeen = wine of paradise]

        **********

        YazdaaN-w-aharman ki to koi khabar nahi

        insaan ek talKh haqeeqat ka naam hai                     ( Adam )

        [ YazdaaN = God/creator, aharman=egypcain god, talKh = bitter]

        **********

        Zindagi hai ya koi tufaan hai

        hum to is jeene ke haathon mar chale                     ( Dard )

        **********

        Gar baazi ishq ki hai, jo chaahe laga do Dar kaisa

        gar jeet gaye to kya kehna, haare bhi to baazi maat nahi ( Faiz )

        [ maat = lost]

        **********

        Har ek to zaa'm tha kis kis ko naakhuda kehte

        bhala hua keh safeena kinaare jaa na laga                ( Faraaz )

        [ zaa'm = proud, naakhuda = sailor, safeena = boat]

        **********

        Insaan aaj bhi hai ghulami se sir-niguN

        yeh aur baat hai keh tareeqe badal gaye                  ( Firaq )

        [ sir = head, niguN = down]

        **********

        Qaid-e-hayaat-w-piNd-e-gham asal mein dono ek hain

        maut se pehle aadmi gham se nijaat paaye kyun             ( Ghalib )

        [ qaid-e-hayaat = prision of life, piNd-e-gham = to be with sorrow

          nijaat = liberation]

        **********

        Bas ke dushwaar hai har mushkil ka aasaaN hona

        aadmi ko bhi maiyassar nahi insaaN hona                     ( Ghalib )

        [ maiyassar = available]

        **********

        Hai justuju keh khoob se khoob-tar kya

        ab Theharti hai dekhiye jaa kar nazar kahaaN              ( Halee )

        [ justuju = search, khoob = godd, khub-tar = better]

        **********

        Tu hi naadaN chuNd kaliyon par qanaa'at kar gaya

        warna gulshan mein ilaaj-e-tangi-e-daamaN bhi hai        ( Iqbal )

        [ qanaa'at = patience, tangi-e-daamaN = shortness of skirt]

        **********

        Urooj-e-aadam-e-khaaki se anjum sehme jaate hain

        keh yeh TooTa hua taara mah-e-kaamil na ban jaaye        ( Iqbal )

        [ Urooj = rising, aadam = man, khaaki = made up of dust

          anjum = star,  sehme = frightend, meh-e-kaamil = full moon]

        **********

        Jis khet se daihqaaN ko maiyassar nahi roti

        Us khet ke har gosha-e-gandum ko jala do                 ( Iqbal )

        [ daihqaaN = villager/farmer,  maiyassar = available

          gosh = branches, gandum = wheat]

        **********

        Lazim hai dil ke saath rahe paasban-e-aqal

        lekin kabhi kabhi ise tanha bhi chod de                  ( Iqbal )

        [ Lazim = compulsory, paasban = gaurd]

        **********

        Aie taayar-e-laa hoti hai us rizq se maut achchi

        jis rizq se aati ho parwaaz mein kotaahi                 ( Iqbal )

        [ taayar = bird, rizq = food, parwaaz = flight kotaahi = laziness]

        **********

        Tool-e-gham-e-hayaat se ghabra na ae Jigar

        Aisi bhi koi shaam hai jiski sehar nahi                  ( Jigar )

        [ Tool = length, sehar = dawn]

        **********

        Woh khud ataa karen to jahunnum bhi hai bahisht

        Maangi hui nijaat mere kaam ki nahi                      ( Josh )

        [ ataa = to give, nijaat = liberation]

        **********

        Duniya jise kehte hain, jaadu ka khilona hai

        mil jaye to mitti hai, kho jaye to sona hai              ( Nida Fazli )

        **********

        Le de ke apne paas faqt ek nazar to hai

        KuyuN dekheN zindagi ko kisi ki nazar se hum             ( Saahir )

        [ faqt = only]

        **********

        Zindagi jaam-e-aish hai lekin

        faayeda kya agar madaam nahi                             ( Wali )

        [ aish = luxury, madaam = eternal]

        **********

        Azam-e-insaan hai keh ban jaaye farishta lekin

        har farishte ko yeh hasrat hai keh insaan hota           ( Shakeel )

        [ Azam = determination, hasrat =  longing/yearning]

        **********

        InsaaN ne maah-o-anjum ki raaheN to dekh leiN

        khud usaki anjuman meiN ujaala na ho saka

        [ maah = Moon, anjum = Stars, anjuman= assembly/gathering]

        **********

        Har qadam per gire magar seekha

        kaise girtoN ko thaam lete hain

        **********

        Ab to har ek aan bolti rut se jee Darta hai

        be-fikari ki neend ka mausam shaayad beet gaya

        [ aan = moment, rut = weather/season ]

        **********

        Aie ishrat-e-hyaat ab hamein sadaa na do

        maanus ho gaye hain gham-e-zindagi se ham                ( Kafeel )

        [ ishrat = luxury, hyaat = life,  maanus = familiar

                                           sadaa  = to call]

        **********

        Rone waalon ko tabassum ka sahara dede

        haNsne waalon ko yeh ehsaas kahaan hota hai

        [ tabassum = smile]

        **********

        Yeh koi mushkil kaam nahi maujoN se Takraana aur guzar jana

        kamaal-e-zindagi hai Gharaq hona aur phir ubhar aana

        **********

        Mita de apni hasti gar martabah chaahe

        keh daana Khaak mein mil ke gul-o-gulzaar hota hai

        [ hasti = existence, martabah = position/status, daana = grain/seed

          Khaak = soil, gul-o-gulzaar hona = to flourish]

        **********

        Yeh naye mizaaj ka shehr hai yhaaN faaslooN se raha karo

        koi haath tak na milaaye ga jo milo ge itne tapaak se

        **********